Një studim nga Instituti Europian i Statistikave, tregoi se Shqipëria shpenzon më së shumti për bukë dhe drithëra në lidhje me GDP-në. 4.9% e të ardhurave totale të vendasve, shkojnë për konsumimin e bukës dhe produkteve të tjera të drithit.
Të dhënat madje, tregojnë se kjo përqindje është rritur nga hera e fundit që është matur. Në 2007-n, INSTAT raportoi se përqindja ishte 4.4.
Në vlerë absolute, shpenzimet mesatare për banor për bukë e drithëra janë 183 euro në vit, vlera më e lartë në rajon. Për më tepër, shqiptarëve u kushton blerja e bukës 84 herë më shtrenjte se një europiani dhe cilësia e produktit lë për të dëshiruar.
Sipas prodhuesve vendas, mielli serb që po importohet nga Kosova është pa standarde dhe po konkurron në treg me çmime qesharake. Nuk plotëson standardin minimal, për proteinat dhe hyn në Shqipëri me çmime 20% më të larta se çmimet e fabrikave vendase.
Konsumi për person llogaritet rreth 300gr dhe duke marrë parasysh faktin se buka është ushqim bazë, kjo çon në kequshqyerje dhe anemi, sidomos tek fëmijët.
