Punoni më gjatë se shumica e miqve tuaj, nuk e dini se kur po vjen paga juaj e ardhshme dhe nuk bëni fare pushime! Me siguri këto nuk ju bëjnë dhe aq të lumtur.
Megjithatë, sipas një studimi të ri, ka një punë që çdo kënd e bën të lumtur. Studimi thotë se njerëzit e vetëpunësuar janë më të lumtur dhe më të angazhuar me punët e tyre sesa ata që punojnë në ndonjë profesion tjetër.
Pas analizës së të dhënave nga 5,000 punonjës në Mbretërinë e Bashkuar, SHBA, Zelandën e Re dhe Australi, një ekip hulumtuesish britanikë konkluduan se ata që ishin të vetëpunësuar në një sërë sektorësh ishin gjithashtu më të suksesshëm në karrierën e tyre dhe ndjeheshin më të kënaqur me kontributin e tyre profesional.
Ata gjithashtu raportuan mundësi më të mëdha për novacion.
“Punonjësit profesionistë që janë të vetëpunësuar me të vërtetë vlerësojnë autonominë që kanë,” shpjegoi profesori Peter Warr i Universitetit të Sheffield.
“Ata kanë liri, shprehin pikëpamjet e tyre, kanë ndikim përtej rolit të tyre dhe konkurrojnë me kompani dhe njerëz të tjerë.
“Ata me të vërtetë mund të përdorin ekspertizën e tyre, kështu që nuk duket sikur po punojnë orë të gjata. Ata mund të arrijnë përmbushjen e standardeve të larta”.
Burimi: The Independent
