Koronavirusi i ka marrë jetën shkrimtarit të njohur nga Elbasani, Dhimo Tarusha. Ai ka ndërruar jetë mbrëmjen e sotme dhe është mësuar se Tarusha ishte i shtruar prej disa ditësh në spital, për shkak të infektimet me Covid 19.
Vajza e tij i ka dedikuar shkrimtarit të ndjerë disa fjalë shumë prekëse në rrjete sociale.
“Më këpute krahët o ba… Pse me le kaq herët.. Nuk te erdhi keq per mua e Benin.. Ma copetove shpirtin.. U ngjite lart u bere engjell, zoti te donte prane o babi shpirt, o babi xhan. Ti ishe forca ime, ishe muza ime, ishe buzeqeshja ime… Te qofte dheu i lehte, o krenaria ime!”, shkruan vajza e tij
Dhimo Tarusha u lind e u rrit në një mjedis vllah në Ersekë më 28 dhjetor 1947, më pas fëmijërinë dhe gjithë jetën e tij e kaloi në qytetin e Elbasanit. Ai ishte autor i 20 librave në dy zhanre: në novela dhe në romane. Krahas kësaj përfshin në krijimtarinë e tij edhe fushën e monografive letrare dhe jetëshkrimeve për personazhe të shquar të komunitetit vllah e më gjerë.
