A keni menduar ndonjëherë sesa më shumë që punoni, aq më shumë detyra do të bëni? Për fat të keq, ky është vetëm një iluzion që shumica e njerëzve e besojnë.
Sot gjithnjë e më shumë njerëz punojnë 50, 60, dhe madje edhe 70 orë në javë, duke e kthyer tryezën e punës në shtëpinë e tyre të dytë.
Megjithatë, eksperimentet e shumta të kryera nga K. Anders Ericsson, një nga ekspertët më të lartë në psikologjinë e punës, kanë treguar se njerëzit mund të bëjnë vetëm 4 ose 5 orë punë produktive në ditë. Pasi performanca e tyre arrin pikën më të lartë, rezultati ka tendencë të ngadalësohet dhe njerëzit vuajnë në punë.
“Nëse jeni duke kërkuar njerëz që të përqendrohen maksimalisht, në punë edhe përtej orarit të tyre ka shumë gjasa të mos merrni rezultat pozitiv”, thotë Ericsson.
Menaxherët të cilët e kanë shkurtuar javën e punës kanë përfituar rezultate më të mira në drejtim të prodhimit, punëtorëve dhe lumturinë e tyre personale dhe profesionale.
Ryan Carson, CEO i Treehouse, zbatoi një program ndryshe për punonjësit e tij, në mënyrë që ata të punonin 32 orë në javë, në vitin 2006. Që atëherë, punonjësit e tij janë më të lumtur dhe më produktivë. Sipas Carson, kompania është shumë e suksesshme sot, të ardhurat e saj vjetore janë vlerësuar në miliona dollarë dhe punonjësit janë të lumtur që vijnë në punë çdo ditë.
Rezultatet e këtij hulumtimi tregojnë se edhe një rishpërndarje e thjeshtë e kohës së punës mund të ketë përfitime të mëdha për të punësuarit dhe kompanitë.
Në vitin 2008, në mes të krizës financiare amerikane, ish-guvernatori i Utah, Jon Huntsman zbatoi një plan për riorganizimin e javës së punës.
Gati 75% e punonjësve të shtetit filluan të punonin katër ditë në javë. Kjo zgjidhje jo vetëm uli shpenzimet e kompanisë, por edhe rriti moralin e punonjësve. Kjo është arsyeja pse shkurtimi i javës së punës është e dobishme si për punonjësit dhe kompanitë.
