Zëra të shumtë qarkulluan në rrjet këtë javë lidhur me Young Zerkën dhe Kiara Titon, duke e bërë dyshen çift.
E gjitha nisi nga një foto që ata postuan në Instastory ku shiheshin krah njëri-tjetrit në studion e “Shiko kush luan”, teksa foton e shoqëruan me mbishkrimin “Date”.
Kaq mjaftoi që të aludohej se mes tyre ka lindur një romancë, teksa Kiara reagoi në Instastory, duke i hedhur benzinë zjarrit dhe duke mos na treguar se si qëndron e vërteta.
E pyetur rreth kësaj teme, ajo ka zgjedhur të tregohet “diplomate” dhe mos të japë përgjigje.
“Ç’thonë kështu për ty dhe Zerkën?”- ka pyetur fansja, teksa Kiara është përgjigjur: ” E pra, ç’bëhet kështu? Kur do na vijë kjo e shtuna mbrëma?”
E shtuna erdhi dhe e vërteta u zbulua.
Ata nuk janë bashkë dhe e gjitha ka qenë një lojë e bukur. Gjatë një loje atyre iu kërkua që të postonin një foto së bashku në Instagram dhe të shkruanin “date”.
Ndër të tjera Young Zerka tha edhe se momentalisht është beqar.
Se çfarë do ndodhë pas kësaj puntate nuk dimë të themi por momentalisht nuk janë së bashku.
