Supermodelja Linda Evangelista po kërkon 50 milionë dollarë nga kompania përgjegjëse për trajtimin kozmetik të pesë viteve më parë që e “shpërfytyroi” atë. Në një padi të ngritur në gjykatën federale të New York, modelja e njohur kërkon kompensim për “shqetësimin emocional” dhe “humbjet ekonomike” të pësuara.
Sipas dokumentit, trajtimi e la atë “të papunë dhe të paaftë për të punuar si modele”. Evangelista pretendon se ajo nuk mori asnjë kompensim nga incidenti, përveç një pagese të fushatës para trajtimit të bukurisë, pasi ajo duhej të hiqte dorë nga angazhimet e saj që i impononin që ajo të shfaqej në publik.
“Kam mbetur, ashtu siç e thotë dhe media ‘me fytyrë tjetër’,” tha ajo për gati 1 milionë ndjekësit në rrjetet sociale.
Evangelista shpjegon se kjo është dhe arsyeja që është larguar nga syri i publikut.
Modelja kanadeze shpjegonte më tej se kishte kryer më pas “dy ndërhyrje korrektuese, të dhimbshme e të pasuksesshme”, pasi procedura fillestare e dobësimit artificial, e njohur ndryshe si ‘body contouring’ – pati efekt të kundërt.
“Për ndjekësit e mi që kërkonin të dinin përse nuk kam punuar si koleget e mia, arsyeja është se jam shpërfytyruar brutalisht nga një procedurë që bëri të kundërtën e asaj që premtonte”, tha Evangelista.
View this post on Instagram
