jë ngjarje e rëndë ka tronditur banorët e Korçës mëngjesin e sotëm, pasi një numër i madh qensh janë parë nëpër rrugët e qytetit teksa jepnin frymën e fundit si pasojë i helmimit.
Numri i qenve endacak që kanë ngordhur 48 orët e fundit është shumë i madh, ndërsa sipas informacioneve të siguruara nga Report Tv janë helmuar edhe shumë kafshë shtëpiake.
Dyshohet se helmimet janë bërë të qëllimshme, ndërsa kjo nuk është hera e parë që ndodhë një fenomen i tillë. Të shumta kanë qenë reagimet e qytetarëve korçarë të cilët kërkojnë nga institucionet që të parandalohen ngjarje kaq të rënda.
View this post on Instagram
Rastet shqetësuese me qentë endacakë që keqtrajtohen dhe lihen në kushte mizerabël nga pushteti vendor sa vijnë e shtohen dhe akoma nuk është marrë asnjë masë konkrete për zgjidhjen e këtij problemi kaq madhor. Pavarësisht se të tilla raste janë dënuar gjithmonë nga shoqëria, vazhdojnë ende të jenë të shumta dhe të bëhen akoma më shqetësuese.
Pak kohë më parë, në rrjet kanë nisur të qarkullojnë disa video në të cilat shihet se si policët bashkiakë marrin qentë zvarrë në lagjet e qytetit dhe i çojnë më pas në spital për t’i vrarë me acid klohridrik ne zemër.
Gjithashtu, jemi njohur me mënyrën e re të vrasjes së qenve nga personat e pashpirt, që i japin kafshëve ushqim të helmuar dhe i lënë të ngordhin.
