Një ngjarje e rëndë ka tronditur opinionin publik gjerman mëngjesin e sotëm, pas një sulmi me thikë që ndodhi në një shkollë në rajonin Nordviertel të landit Hesse, në shtetin e North Rhine-Westfalia. Sipas të dhënave fillestare të publikuara nga gazeta gjermane Bild, incidenti përfshiu një mësues dhe një nxënës, të cilët u plagosën rëndë si pasojë e goditjeve me thikë.
Raportohet se profesori është goditur në zonën e stomakut dhe gjendja e tij shëndetësore është kritike. Ai është transportuar menjëherë në spital dhe pritet t’i nënshtrohet një ndërhyrjeje kirurgjikale urgjente. Edhe nxënësi i përfshirë në incident ka marrë plagë të rënda, ndonëse detaje të sakta mbi moshën apo identitetin e tij nuk janë bërë ende publike. Autori i sulmit, i cili sipas Bild është një 18-vjeçar nga Kosova.
Autoritetet lokale janë vënë menjëherë në lëvizje. Forcat speciale të policisë gjermane (SEK –Spezialeinsatzkommando) janë dislokuar në zonë për të garantuar sigurinë dhe për të hetuar rrethanat e ngjarjes. Ndërkohë, ambientet e shkollës janë evakuuar dhe perimetri përreth është rrethuar për të mos lejuar hyrje-dalje të paautorizuara.
Sipas të njëjtave burime, autori i sulmit është ende në arrati dhe identiteti i tij mbetet i panjohur. Nuk dihet ende nëse ai ka pasur lidhje personale me viktimat, nëse është pjesë e stafit, një ish-nxënës apo një person i jashtëm. Policia nuk përjashton mundësinë që të ketë pasur tentativa për të sulmuar persona të tjerë në ambientet e shkollës, por këto informacione nuk janë konfirmuar zyrtarisht.
Zyrtarët e policisë dhe hetuesit pritet të mbajnë një konferencë për shtyp në orët në vijim për të dhënë më shumë informacion rreth sulmit, motivit të mundshëm dhe gjendjes së të plagosurve.
