Linda Halimi është përfaqësuesja shqiptare e “ Eurovizionit ”, që pritet të deputojë këngën “World” (“Botë”) në skenë e Kievit, më datë 9 maj. Tashmë artistja që jeton në Shtetet e Bashkuara të Amerikës, po shijon turin nëpër Europë, ku ka mundësi të dëshmojë talentin e saj për publikun.
Pas perfomancës së parë në Amsterdam, nuk munguan reagimet ndaj Lindës, duke e komentuar si pornostare me trup burri, pa mohuar potencën e zërit. Për muzën e frymëzimit për “Botë”, përfomancën e Halimit dhe pritshmëritë e kësaj gare, ka folur edhe kompozitori i këngës, Klodian Qafoku.
“Në radhë të parë unë i komplimentoj të gjithë për komentet pozitive në lidhje me performancën, ndërsa për komentet negative, përgjigjja më e mirë është data 9 maj në Kiev”, u shpreh ai në një intervistë për ” Panoramën “.
