Takimi i parë i Fjorit dhe Aldisit nuk ka shkuar siç duhet. Ky i fundit, dha akuzën e fortë për konkurrenten e “Për’Puthen” duke thënë se ajo i ka kërkuar të kryejë marrëdhënie pas takimit.
Teksa kjo bëri xhiron e rrjetit, duket se Aldisi u pendua, dhe në “PRIME”-n e sotëm, ka vendosur t’i kërkojë falje.
“Dua të të kërkoj ty falje dhe familjes tënde. Ndoshta në atë moment ne kishim emocione dhe ka të bëjë dhe vështiësia ime në të shprehur për shkak të gjuhës.
U ndjeva shumë keq sepse, pasi rishikova puntatën, më është dukur sikur të kam ulur, por nuk ka qenë ky qëllimi im.”- u shpreh i penduar Alvisi.
Fjori, nga ana tjetër tha se e ka falur djalin, por kjo nuk mund të ndryshonte asgjë sepse, pas deklaratës së bërë, ajo nuk arriti dot të kthehej në shtëpi dhe të festonte mbrëmjen e vitit të ri pranë familjes së saj.
Mirëpo, gjatë bisedës, Fjori nxorri edhe detaje të tjera, duke hedhur dyshime mbi seksualitetin e Aldisit.
“Unë ju afrova prapë për ta puthur, doja ta provokoja, ai u largua”- u shpreh konkurrentja, e cila tha se atij mbase i mungon guximi ose e ka problemin me “të qenurit mashkull”.
“Të gjithë e dimë se nëse një mashkull nuk pranon të të puthë, ose nuk të ka qef, ose…”- e ndaloi fjalën e saj Fjori, duke nënkuptuar dyshimin për seksualitetin e Aldisit.
Sakaq, Aldisi hodhi poshtë të tilla akuza dhe argumentoi se nuk kishte dëshirë ta puthte.
Në fund, një kërcim duket se sheshoi gjërat mes tyre, por Fjori ishte disi e paqartë lidhur me vazhdimësinë e njohjes së tyre.
