Teksa e gjithë Policia është ngritur në këmbë për të arrestuar autorin e vrasjes së 8-fishtë, Ritvan Zykaj, ky i fundit ka reaguar përmes rrjeteve sociale. Mesa duket 24-vjeçari vrasës nuk i ka duruar dot komentet negative në profilin e tij në “Facebook”, ku i kërkojnë të dorëzohet apo të vrasë veten dhe ka vendosur të reagojë duke i ofenduar me fjalë banale.
Forcat e policisë lokale, Renea dhe FNSH kanë zbarkuar në terren dhe kanë rrethuar të gjithë fshatin për të vënë në pranga autorin që u largua nga vendi i ngjarjes i armatosur.
Por duket se Policia e ka tejet të vështirë, pasi Ritvan Zukaj është bari dhe e njeh mirë të gjithë fshatin Resulaj në Vlorë. Ndërkohë, ka dyshime se ai mund të fshihet edhe në ndonjë prej shpellave që ka në këtë zonë, ndërsa errësira e bën të vështirë lokalizimin e tij.
Ritvan Zykaj qëlloi me breshëri automatiku mbi tetë pjësëtarët e familjes Zykaj, mes tyre edhe dy të mitur.