Një grua në Kinë është duke çuditur botën pasi ka një lloj sëmundje të rrallë dëgjimi që e bën atë të paaftë për të dëgjuar burrat.
Sipas “Daily Mail”, pacientja e identifikuar vetëm si zonja Chen, u zgjua një mëngjes dhe nuk mundi të dëgjonte të dashurin e saj të flasë.
Chen shkoi menjëherë në spitalin Qianpu ku u pa nga një specialiste e veshit, hundës dhe fytit. Dr. Lin Xiaoqing, e cila trajtoi Chen dhe u tha gazetarëve: “Ajo më dëgjoi kur unë i fola, por kur një pacient mashkull u fut në dhomë ajo nuk mundi ta dëgjonte fare”.
Një natë më parë Chen kishte të përziera dhe ndjente zhurmë kumbuese në veshët e saj.
Ajo ishte gjithashtu nën një stres të madh, duke punuar vonë dhe duke mos fjetur mjaftueshëm gjumë.
Mjekët fillimisht u habitën nga simptomat e saj, por më vonë u diagnostikua me “humbjen e dëgjimit të kundërt të pjerrësisë, në të cilën ajo mund të dëgjonte vetëm frekuenca të larta”.
Sipas “Daily Mail” thuhet se kjo gjendja ndikon vetëm një në rreth 13,000 pacientë me probleme dëgjimi. Është gjithashtu mjaft e vështirë për t’u diagnostikuar.
Dr. Xiaoqing beson se lodhja dhe stresi mund të kenë ndikuar në humbjen e dëgjimit të Chen, por pritet që ajo ta rifitojë shumë shpejt.
