Ajo është një këngëtare me famë botërore që na ka bërë të gjithë ne shqiptarët krenarë për suksesin e saj. Ka qenë ditëlindja e babait të saj që e ka bërë këngëtaren Dua Lipa të nxjerrë nga arkiva e saj një foto të vjetër familjare.
Me një dedikim të veçantë Dua i ka uruar sot ditëlindjen babait të saj.
“Gëzuar ditëlindjen babi. Të dua, më mungon, do dëshiroja të isha në shtëpi dhe të të dhuroja një përqafim dhe një puthje të madhe”, shkruan Dua krahas fotos ku shfaqet në krahët e babait të saj.
Nga fotoja e postuar në “Instagram” Dua sapo na zbuloi se ka qenë një vogëlushe shumë e ëmbël dhe bukuroshe. Me siguri që me këtë foto i ka ngjallur shumë kujtime babit të saj, zotit Dukagjini, i cili edhe mund të jetë përlotur nga dedikimi i së bijës.
