Teksa numri i të vdekurve për shkak të Covid-19 ka shkuar 132 në Korenë e Jugut dhe janë regjistruar 9,241 raste të infektuara, një lajm i mirë ka ardhur së fundmi.
Në Korenë e Jugut një 97-vjeçare ka arritur të mposhtë koronavirusin, duke u bërë pacientja më e vjetër në botë që arrin të shërohet nga Covid-19.
Pacientja, nga qyteti juglindor i Cheongdo, u kthye në shtëpi pasi u shërua plotësisht nga COVID-19. Qyteti është ngjitur me Daegu, një epiqendër e shpërthimit lokal.
Kujtojmë se pak ditë më parë edhe në Itali u regjistrua një rast i rrallë, ku një 95-vjeçare ia doli të fitojë mbi koronavirusin.
Alma Clara Corsini, nga Fanano la u shtrua në spital më 5 mars dhe falë kujdesit të vazhdueshëm ajo e la spitalin më 23 mars.
