Vetëm disa ditë më parë, mjeku Dhimitër Kraja la Spitalin Infektiv pasi mposhti virusin Covid-19.
Ministrja e Shëndetësisë, Ogerta Manastirliu, tregoi më herët se Kraja po planifikonte të kthehej sërish në krye të detyrës për të ndihmuar kolegët e tij, megjithëse ka dalë në pension.
‘Doktor Kraja ka dalë nga spitali dhe është në shtëpi në gjendje shumë të mirë. Por, do rikthehet sërish në Spitalin Infektiv, në ndihmë të kolegëve.”- u shpreh më herët ministrja.
Mesa duket, mjeku e ka mbajtur fjalën dhe ditën e sotme është kthyer sërish në spital për t’i ardhur në ndihmë pacientëve dhe mjekëve në luftën kundër Covid-19.
Mjeku radiolog, Renato Osmani, ka publikuar foton e Krajës në pavion, krahas së cilës shkruan:
“Eminenca sërish në punë! Flm Prof. Kraja!”
Me këtë veprim fisnik, Kraja tregoi edhe njëherë se mjekët janë heronjtë e këtij vendi, të cilët po përballen me armikun më të rrezikshëm.
