Ashtu si çdo vit, familja mbretërore britanike është paraqitur në çeljen e garave Royal Ascot dhe këtë herë, ka qenë radha e mbretëreshës Elizabeth dhe dukeshës Kate Middleton për të nderuar evenimentin e famshëm sportiv.
Dhe siç ndodh rëndom, Kate i ka mahnitur të gjithë me look-un e saj magjepsës.
Dukesha dhe mbretëresha ishin kombinuar me njëra-tjetrën duke zgjedhur blunë pastel për veshjet e tyre në ceremoni dhe të gjithë sytë kanë qenë mbi Kate Middleton e cila ishte praktikisht një mishërim i elegancës.
Ajo kishte zgjedhur një fustan tyli nga shtëpia e modës Elie Saab, me detaje dantelle që janë specialitet i kësaj marke dhe një fjongo elegante në pjesën e qafës.
Në kokë, dukesha mbante një kapele në të njëjtën ngjyrë me fustanin dhe kishte zgjedhur një kapje tejet femërore flokësh që i nxirrnin në pah vathët e diamantit.
