Vrasja e një 17-vjeçareje dhe plagosja e një 23-vjeçari mbrëmjen e së mërkurës në Laprakë tronditi opinionin publik.
Ndërsa mësohet se i plagosuri nga atentati, Erjon Bengo, është person me precedent penalë dhe i dënuar më parë.
Në vitin 2016 ai shantazhoi një vajzë duke i thënë se do t’i publikonte video intime, nëse nuk do t’i jepte 2.000 euro.
Mësohet se në atë kohë ai kishte një histori dashurie me vajzën me inicialet K.L, të cilën e shantazhonte vazhdimisht.
Për këtë arsye, vajza iu drejtua Drejtorisë së Policisë së Tiranës, ku bëri denoncimin e tij, për shtrëngim me anë të kanosjes për dhënie pasurie. Procedimi penal ndaj tij është regjistruar në datën 3 maj të vitit 2016.
Po ashtu, ai u dënua në arrest me burg, ndërsa u shpall në kërkim edhe një bashkëpunëtor i tij.
Videot Bengo i kishte regjistruar nga koha kur ishte i lidhur me vajzën që e denoncoi. Ai e kërcënonte se do t’i publikonte në Facebook, në rast se ajo nuk i jepte paratë që kërkonte.
