Tani që ka mbërritur vera, gjithçka që mendojmë janë pushimet, ushqimi i shijshëm buzë bregdetit dhe aroma e plazhit.
Por kur mbarojnë pushimet mërzitemi, dhe gjithmonë priremi të marrim me vete diçka nga ato ditë, për të kujtuar momentet e bukura që kemi kaluar.
Ndaj marka e njohur e aksesorëve dhe enëve shtëpiake “Villeroy & Boch” ka menduar për të gjithë ne, për të na kujtuar verën, detin dhe plazhin.
Koleksioni i enëve i quajtur “Montauk” sjell aromën e freskët të bregdetit të një prej fshatrave turistikë të Nju Jorkut.
I frymëzuar pikërisht nga brigjet detare të këtij fshati, koleksioni i këtyre pjatave, “Montauk” , është perfekt për kthimin e mërzitshëm pas pushimeve.
Shtroni një drekë apo darkë për të kujtuar ato momente magjike që keni kaluar.
Seti i përbërë nga pjata, filxhanë, tasa dhe gota do të kompletojë shtrimin e një tryeze dhe do t’ju shoqërojë në momentet më të veçanta, si për shembull kur ftoni miqtë tuaj në shtëpi.
“Villeroy & Boch” na fton të shohim koleksionin e enëve të kuzhinës që do t’ju ndihmojë në perfeksionimin e mikpritjes suaj në darkën apo drekën e radhës.
Burimi: iconstyle.al
*Kujdes! Ndalohet riprodhimi i këtij materiali pa lejen e redaksisë së Iconstyle.al
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
