Vetëm pak minuta më parë, Ministria e Shëndetësisë ka njoftuar se dy pacientë të prekur me Covid-19 kanë ndërruar jetë në Spitalin Infektiv.
Bëhet fjalë për një 77-vjeçar me iniciale I. B., nga Kavaja, i konfirmuar me COVID-19 që po trajtohej prej 2 javësh në Spitalin Infektiv, teksa ndërroi jetë në mënyrë të papritur nga një infarkt miokardi.
Gjithashtu, 77-vjeçari vuante nga diabeti mellitus, insuficienca renale kronike dhe insuficienca kardiake.
Personi i dytë që ka ndërruar jetë është pacienti me iniciale R. P. 69-vjeç nga Hasi.
Ai qëndronte prej 8 ditësh i shtruar në Spitalin Infektiv ndërsa prej 3 ditësh ishte vendosur në intubim për shkak të gjëndjes së rënduar.
Kështu, numri i personave që kanë humbur jetën nga koronavirusi në Shqipëri ka shkuar në 15.
