Ditën e sotme u zbulua se ish-konkurentja e ‘Big Brother VIP Kosova’, Mbresa ka nisur lidhje me menaxherin e estradës, Faton Shoshin. Ky i fundit ka qenë në lidhje me Era Istrefin dhe Zanfina Ismailin, mirëpo ka pasur edhe një romancë të shkurtër me një modele, e cila ishte pjesë e rrugëtimit të “BBV” bashkë me Mbresën.
Bëhet fjalë për Gresa Hotin, me të cilën Shoshi ishte në lidhje për 4 muaj, por romanca e tyre mori fund shpejt, e shkak u bë distanca.
Sipas raportimeve të mediave rozë, Mbresa dhe Fatoni shihen shpesh bashkë dhe thuhet se çifti prej kohësh janë të pandarë nga njëri-tjetri.
Kujtojmë se Mbresa arriti deri në finalen e madhe të “BBVK”, ku përfundoi e pesta në renditje dhe njëherësh femra e dytë më e votuar nga publiku.
Pas daljes nga “BBVK”, ajo publikoi baladën “Pa ty” e cila u prit shumë mirë nga publiku, si dhe mori si dhuratë nga produksioni një emision në televizionin Klan Kosova.
