Disa celebrities duket se ngatërruan me “Halloween”-in ceremoninë e MTV Video Music Awards mbrëmjen e së dielën në Nju-Jork.
Mes emrave të njohura botës së ekranit ishte edhe këngëtarja shqiptare Rita Ora, e cila mund të bënte një zgjedhje më të mirë për paraqitjen e saj në MTV. Ajo u shfaq në tapetin e kuq me një fustan të dukshëm, përmes të cilës dukeshin të pasmet dhe të brendshmet e këngëtares. Ndërsa fustani përfundonte me pendë, Rita kishte zgjedhur që ta kombinonte me këpucë të larta me platformë dhe xhaketë lëkure, që kishin të njëjtin detaj si fustani në supe.
Ndërsa Farrah Abraham u shfaq e veshur si “Wonder Woman”, me një kostum të kombinuar me makijazhin për të krijuar personazhin. Këngëtarja Cassie shokoi pasi u shfaq komplet ndryshe nga sa jemi mësuar ta shohim. Ajo kishte lënë mënjanë flokët natyrale, të cilat kishte vendosur që t’i zëvendësonte me flokë bionde, që mendohet se ishin paruke. Poshtë xhaketës Cassie zgjodhi të mos vishte asgjë, përveç aksesorit që lidhet me qafën.
Më e guximshmja duket se u tregua 88-vjeçarja Baddie Winkler që veshi një “jumpsuit” nude të zbukuruar me gurë shkëlqyes, që e kombinoi me çizme ortopedike dhe shkopin me gurë.
Shikoni të gjitha paraqitjet më të këqija në tapetin e kuq të MTV Video Music Awards, duke shfletuar galerinë.
Burimi: Daily Mail
