Nëse rast se dyshonit, Beyonce dhe Jay Z, janë çifti i famshëm me më shumë të ardhura në vitin 2016, sipas “Forbes”. Çifti bashkë mblodhi rreth 107.5 milionë dollarë në vitin e kaluar.
Dyshja u renditën të ndarë shumë pranë njëri-tjetrit në listën “Celebrity 100” të revistës, e cila kryesohej nga Taylor Swift. Beyonce renditej e 34-ta me një fitim prej 54 milionë dollarë në vitin e kaluar dhe ndiqej shumë pranë nga Jay Z në vendin e 36-të, me një fitim prej 53.5 milionë dollarë.
Nga vijnë të gjitha këto të ardhura?
Një pjesë e tyre vijnë nga albumi “Lemonade” i Beyonce, rekordi i saj i gjashtë, i cili u prezantua në prill dhe është në dispozicion ekskluzivisht në rrjetin muzikor të Jay Z, Tidal.
Turneu ishte gjithashtu një burim i madh të ardhurash për Beyonce, e cila luajti 19 shfaqje gjatë periudhës së statistikave të “Forbes”, ndërsa Jay vetëm dy.
Ky i fundit duket se është fokusuar në projekte të tjera përveç publikimit dhe performimit të muzikës së tij. Ai ka qenë duke përfituar nga shampanja e tij Armand de Brignac, konjaku D’Ussé dhe kompania e argëtimit Roc Nation, që përfshin firmë regjistrimi dhe një agjenci sporti.
Çifti tjetër i vetëm në listë ishte Gisele Bundchen në vendin e 99-të dhe Tom Brady i renditur i 54-ti. Por nëse Taylor Swift dhe Calvin Harris, çifti më me shumë fitime në 2015-n, do të ishte sërish bashkë, ata do të zbrisnin çiftin Carters dhe do të sundonin vendin e parë për herë të dytë radhazi.
Burimi: Harper’s Bazaar
