“E diela shqiptare” është një ndër programet më të dashura shqiptare, e duket se është kthyer traditë e çdo familje shqiptare në çdo fundjavë. Këtë herë, programi e ‘E diela shqiptare’ do të rikthehet në sezonin e ri televiziv në një shtëpi të re. Me anë të një video në profilin e tij në “Instagram”, moderatori Ardit Gjebrea njofton se studio aktuale e emisionit do të rrënohet krejtësisht.
“Do të ndërtohet një studio tërësisht e re për të gjithë. Por unë kam nostalgji për 10 vitet që kam kaluar me publikun dhe të ftuarit në këtë ambient. Jam shumë i emocionuar për ju dhe për studion e re me të cilën do nisim sezonin e ardhshëm”,- u shpreh Ardit Gjebrea.
Sipas tij, ndryshime do të ketë në të gjithë konceptin visual të programit. Ndaj mezi presim të shohim se çfarë surprizash na kanë rezervuar në shtator.
