Italia vijon të jetë në krye të tabelës për numrin më të lartë të viktimave në rang botëror pasi deri tani 15, 362 persona kanë humbur jetën dhe 124, 168 janë infektuar.
Po ashtu, virusi nuk ka kursyer as bluzat e bardha, duke vrarë deri tani të paktën 73 mjekë, ndërsa në total numri i punonjësve shëndetësorë të infektuar ka tejkaluar shifrën e 10,000 rasteve, nga të cilët rreth 20% janë mjekë.
Në vijën e parë të luftës janë edhe shqiptarë që jetojnë në Itali dhe ushtrojnë profesionin e mjekut, mes të cilëve edhe vajza dhe dhëndri i ish-kreut të Kuvendit dhe ish-deputetit të Partisë Socialiste, Namik Dokle.
Lajmin e ka bërë me dije vetë Dokle, i cili në Facebook u drejtohet me një letër nipit dhe mbesës së tij, Rubenit dhe Sarës, të cilët nuk shohin prej kohësh prindërit e tyre, pasi janë në krye të detyrës.
Teksa iu shpreh dashurinë dhe mallin, ai iu jep zemër nipërve, duke thënë se mami e babi i tyre, bashkë me shumë mjekë të tjerë në Itali do ia dalin të mposhtin koronavirusin.
STATUSI I PLOTE
MIREMENGJES, SARA DHE RUBEN!
Ndoshta akoma nuk jeni zgjuar, por gjyshi nuk duron me gjate per t’u pershendetur. E di qe jeni merzitur; u be me shume se nje muaj qe nuk dilni, nuk shkoni ne shkolle, nuk takoheni me shoket dhe shoqet, dhe, kryesorja, nuk takoni dot mamin dhe babin, sepse ata vazhdojne punen ne spital, perpiqen te shpetojne te semuret. Epo, mire, te pakten flisni ne skajp, apo jo?
Por mos u merzitni! Mami Manjola dhe babi Arviti, bashke me mijera mjeke te tjere, ne Itali dhe ne bote, do ta mundin coronavirusin dhe semundjen e mallkuar. Dhe ju… do te vini perseri me pushime ne Shqiperi, do shetisim bashke e do hame pica te Pazari i ri, bashke me nana Qefseren dhe daja Belin, do shkojme ne Shkoder te hame tave krapi me nana Hyrin, do shkojme perseri ne bjeshket e Gores te shihni fshatin e gjyshit, pastaj do zbresim poshte, ne Prizren e do pime uje te cezma e Shadrivanit. Thone se kush pi ate uje fatsjelles nuk e ze asnje semundje. Pastaj do te shkojme perseri ne Sarande, do zhytemi ne ujerat e Jonit, ndersa ne mbremje, do shikojme perendimin
e diellit. Ja, edhe pak, edhe pak dhe do ta fitojme kete lufte! Dhe Ju do te jeni krenare
per mamin dhe babin qe u perkushtuan aq shume per jeten e njerezve!
Ju puc shume, shuuuume!
Kujtojmë se mjekëve italianë iu janë bashkuar edhe 20 infermierë e 10 mjekë shqiptarë, që mbërritën para disa ditësh në ndihmë të kolegëve të tyre./gazetareforma
