Ky është plani me 5 pika i Italisë për mposhtjen e COVID-19

Me mbërritjen e koronavirusit, Italia ka përjetuar një situatë të vështirë që i ngjan një tragjedie, teksa vijon të jetë në krye të tabelës për numrin më të lartë të viktimave në rang botëror pasi deri tani 15, 362 persona kanë humbur jetën dhe 124, 168 janë infektuar.

Ditën e sotme u raportua një lajm që ngjalli pak shpresë, ku për herë të parë nga goditja nga COVID-19 ka rënë numri i pacientëve në terapi intensive.

Sipas autoriteteve shëndetësore italiane, në spitale ka tani 3, 994 pacientë me koronavirus, të shtruar nën kujdesin e terapisë intensive, 74 më pak se një ditë më parë

Së fundmi, mediat italiane kanë raportuar se vendi po harton një plan për rikthimin e jetës normale për qytetarët.

 “Beteja kundër koronavirusit nuk është fituar, por objektivi ynë është të gjejmë një mënyrë për të bashkëjetuar me këtë kërcënim, derisa të gjendet një kurë apo vaksinë.”-ka deklaruar ministri italian i Shëndetësisë, Roberto Speranza.

“Il fatto quotidiano” shkruan se Sperenza ka zbuluar detajet e planit strategjik prej 5 pikash për daljen graduale të vedit nga “rrethi vicioz” ku e ka futur COVID-19.

1. Distancimin social,
2. mjete mbrojtëse për të gjithë spitale COVID në të gjithë territorin kombëtar,
3. përforcim i rrjeteve shëndetësore lokale,
4. studim për të kuptuar sa janë prekur dhe
5. një aplikacion, si modeli i Koresë së Jugut, për të verifikuar kontaktet e personave të infektuar.

“Duhet të themi të vërtetën: situate mbetet dramatike. Emergjenca vijon dhe do të kemi muaj të tjerë të vështirë. Nuk dua të mashtroj askënd, është e kotë të mendosh se ka një zgjidhje shpëtuese. S’mund të jap një datë kur do të mbarojë gjithçka, pasi do të ishte e papërgjegjshme.”- tha ai.

Megjithatë qeveria italiane ka sqaruar se aplikimi i këtyre masave për rikthimin në normalitet kërkon kohë. /gazetareforma