Tenistja amerikane Serena Williams, e cila po përgatitet për pjesëmarrjen në “Rio 2016”, ka treguar për revistën “Self” format e saj trupore.
34-vjeçarja, e cila po përpiqet të fitojë medaljen e saj të artë numër 5 në karrierë, ka realizuar një set fantastik fotosh në plazh, ku shfaqet tepër në formë. Në një intervistë për revistën, tenistja është shprehur se e dashuron trupin e saj dhe nuk do të ndryshonte asgjë rreth tij.
“Nuk i kërkoj njeriu të ma pëlqejë trupin, thjesht të më lënë të qetë. Dua që të ndikoj për mirë te vajzat që kanë format e mia dhe dua që ato të ndihen mirë me veten e tyre”, u shpreh Serena Williams.
