A po pini mjaftueshëm ujë? Mirë, pyetja tjetër: Po pini ujë mjaftueshëm të ngrohtë? Arsyeja pse po ju pyesim është sepse sipas dietologëve, të pish ujë rregullisht mund të kesh më shumë përfitime sesa mund ta imagjinoni.
Mbajtja e trupit të hidratuar është thelbësore për të siguruar që çdo gjë të funksionojë ashtu siç duhet. Nga shkëlqimi i lëkurës te niveli i energjisë, hidratimi është çelësi. Por a e dini se kur bëhet fjalë për tretje, temperatura e ujit që konsumoni mund të ketë shumë të bëjë me mënyrën sesi funksionojnë gjërat?
Nëse shpesh e gjeni veten me një bark të fryrë, ndërrimi i temperaturës mund të bëjë mrekulli.
I ftohtë vs i ngrohtë: cila është diferenca?
Para së gjithash, duhet të theksojmë sesa e rëndësishme është të pimë shumë ujë çdo ditë, pavarësisht nga temperatura. Por nëse keni një sistem të ngadaltë të tretjeje, atëherë këtu është arsyeja pse pirja e ujit të ngrohtë gjatë gjithë ditës mund të ndihmojë.
“Teorikisht, uji i ngrohtë ka më pak mundësi që “të fikë” disa nga enzimat e tretjes në stomak, krahasuar me të ftohtin”, shpjegon doktori Peter Cox.
Me fjalë të tjera, të pish një gotë ujë me akulli gjatë ose pas një vakti mund të bëjë që ushqimi të tretet më ngadalë.
“Ndërsa uji i ftohtë ka nevojë për kohë për t’u përshtatur në temperaturën e trupit (që qëndron rreth 37 gradë), studimet sugjerojnë se një gotë ujë të nxehtë ose të ngrohtë kërkon më pak energji dhe kohë për të tretur”, shton dietologu, Will Hawkins.
“Në fakt, pirja e ujit të ngrohtë gjatë një vakti mund të përshpejtojë tretjen e ushqimeve”.
Burimi: Byrdie
