Pak ditë më parë Getinjo dhe Loredana hodhën në treg këngën e tyre me titull, “Feuer”.
Projekti muzikor u prit mjaft mirë nga publiku, megjithatë kishte edhe nga ata që kritikonin një pjesë të tekstit të Getinjos.
Në një pjesë të këngës ai shprehet “Ti s’je G, je LGBT” dhe shumë fansa e përkthyen si një ofendim ndaj këtij komuniteti.
Këto komente i kanë rënë në sy reperit, i cili ka shpjeguar se e gjitha është në formë shakaje.
“Ndonjëherë një tekst tingëllon i këndshëm, ndonjëherë nënçmues! S’kam qenë dhe s’do të bëhem homofob kurrë. Muzika dhe teksti është komik, aksion, dramë, realitet, fallco, etj. Nëse do të kisha si qëllim të ofendoja komunitetin LGBT do të kisha përdorur fjalë të tjera ose do të bëja një këngë ekstra komplet kundër tyre. Por jo, ky nuk është mesazh negativ eh as pozitiv. Këto 2 rreshta ‘ti s’je G, je LGBT’ janë vetëm rreshta me pak komedi brenda! Respekte, uroj që të jeni të lumtur si njerëz dhe të lumtur në shpirt!”, ka shkruar Getinjo në ‘Instagram’.
