Rrjetet sociale përveçse kanë drejtuar vëmendjen nga fotot dhe dukja perfekte, kanë sjell edhe një fenomen shqetësues siç është photoshopi. Përdorimi i photoshop-it në mënyrë të ekzagjeruar është bërë shqetësues për botën mbarë dhe në rrjet po serviren imazhe jo-reale që dëmtojnë rëndë psikologjinë e njerëzve!
Të shumtë janë personazhet VIP që nën presionin për të qenë “perfekt”, modifikojnë fotot e tyre dhe u paraqiten fansave si dikush që s’janë, njerëz pa asnjë defekt.
Kjo e fundit nga ana tjetër ka bërë që figurat publike të akuzohen shpesh për modifikim të fotove, e ndonjëherë edhe pa të drejtë.
Kjo gjë i ka ndodhur së fundmi edhe Dojna Memës, e cila ka postuar dy foto në Instagram, ku shihet duke ngrënë akullore.
View this post on Instagram
Megjithatë, një ndjekës i saj e ka akuzuar se ka përdorur shumë photoshop, gjë kjo e cila sipas Dojnës nuk është e vërtetë.
Me thënë të drejtën akulloren e kam zbardh një çik kurse për fytyrën, e kanë shkrirë gjithë pasionin atë natë mami dhe babi, s’lanë vend për photoshop. Sa për të qenë të drejtë domethënë!
Nga ana tjetër, pak ditë më parë Dojna iu përgjigja disa prej pyetjeve më interesante, duke treguar se në Top Channel nuk po përshtatej më në këtë fazë, ndonëse është vendi ku ka filluar punë që në moshën 19 vjeçare.
Megjithatë, ajo shtoi se janë ndarë me respekt në një mënyrë paqësore.
Për të gjithë njerëzit që më kanë ndjekur e dinë që kam që 19 vjeç në Top Media. Ishte e vetmja shtëpi mediatike që unë kisha patur ndonjëherë, pra nuk vija nga ndonjë eksperiencë e mëparshme. Unë kam bërë vetëm Top Channel dhe ishte një vendim i vështirë të shkëputesha nga shtëpia ime e parë. Ishte një vendim i nevojshëm në një kohë kur unë kërkoja të bëja gjëra të mijat. Ka qenë një shkëputje shumë e butë dhe për këtë më vjen shumë mirë, ka qenë një shkëputje me respekt nga të dyja palët. Ishte një moment që unë kisha shumë nevojë të eksperimentoja me gjëra të reja. Në këtë fazë Top Channel kishte një linjë editoriale që nuk përshtatej me gjërat që unë doja të bëja specifikisht, kështu që ishte më mirë për të dyja palët që të merrnim një shkëputje nga njëri-tjetri.
Sa i përket lidhjes së saj me Vlashentin, ajo sërish nuk e pranoi se janë në lidhje, duke u fshehur pas ‘rastësisë’ por tregoi se ka dy vite e gjysmë që është në një lidhje dashurie dhe zemra i rreh fort.
Bëjnë njerëzit foto të njëjta. E njoh shumë mirë Vlashentin, kemi bërë edhe një produksion së bashku. Është një këngë e Vlashentit ku kanë nisur të gjitha aludimet ku unë jam pjesë e videoklipit. Të gjithë thanë që duket sikur është një këngë për ty. Unë jam në një raport dashurie, një raport i cili ka shumë vite që zgjat nuk është rishtaz. Ka 2 vite e gjysmë që zemra më rreh fort.
