26 artistë janë përzgjedhur për të konkurruar këtë vit në Festivalin e 59-të të Këngës. Pasi janë dëgjuar të gjitha produksionet e mbërritura, juria e përbërë nga Alma Bektashi, Jonida Maliqi, Agim Doçi, Klodian Qafoku dhe Eugent Bushpepa, kanë vendosur cilat këngë do të konkurrojnë këtë vit.
Mes artistëve të rinj bien në sy edhe ata të njohur si Anxhela Peristeri, Era Rusi, Orgesa Zaimi, Manjola Nallbani, Rosela Gjylbegu etj. Artisti fitues pritet të përfaqësojë Shqipërinë vitin e ardhshëm në festivalin europian, “Eurovision”, i cili këtë vit nuk u organizua për shkak të pandemisë.
Me anë të një postimi në Instagram, Erik Lloshi ka zbuluar ditën e sotme fabulën e veçantë të këngës së tij pjesëmarrëse në Festival.
Projekti titullohet “Jo” dhe trajton një temë tepër delikate siç është aborti. Në videon e shpërndarë prej tij, Eriku shkroi:
Nje teme e forte dhe nje problematike e madhe qe ndodh jo vetem ne Shqiperi por ane e mbane botes eshte ABORTI..
Pikerisht me kete tematik ne jemi munduar qe te japim nje mesazh te forte ne kete edicion te ketij festifali @#fest59rtsh
“Duart me te vogela mbajne shpresat tona me te medha!!”
Nje falenderim i vecant shkon per @enis.mullaj per kete produksion fantastik
Dhe @mumaofficial per kete tekst brilant dhe unik ??
Ndryshe nga çdo vit tjetër, për shkak të situatës së pandemisë “Festivali i Këngës” do të zhvillohet në ambient të hapur.
Vendi i zgjedhur është sheshi përballë stadiumit “Air Albania”, i njohur si sheshi tek “ish-Kolonat”.
Ende nuk dihet nëse do të ketë orkestër apo jo, gjë që mund të ndikojë edhe në performancën “live” të artistëve. Ndërkohë prezantuesit janë Jonida Vokshi dhe Blendi Salaj.
Lista e plotë e pjesëmarrësve
Peng- Devis Xherahu
Valixhja e kujtimeve- Orgesa Zaimi
Kush je ti dashuri- Festina Mejzini
E morën botën- Franc Koruni
Pendesë- Inis Neziri
Kam me t’ba me kajt- Sardi Strugaj
Më jep jetë- Gjergj Kaçinari
Nëse vdes- Durim Morina (Mirudi)
Tjerr- Evi Reçi
Vashëzo- Rosela Gjylbegu
Vallja e jetës- Klevis Bega (Kastro Ziso)
Do t’ja dal- Klinti Çollaku
Karma- Anxhela Peristeri
Si ajo- Ëendi Mancaku
Ty- Fatos Shabani
Vajzë- Florent Abrashi
Njësoj- Enxhi Nasufi
Ajo vajza- Kamela Islamaj
Zjarri im- Era Rusi
Jo- Erikson Lloshi
Më mbron- Xhesika Polo
Ora e jetës- Manjola Nallbani
E lirë- Giliola Haveriku
Nënë- Viktor Tahiraj
Vendi im- Agim Poshka
Meteor- Stefan Marena
