Majlinda Bregu është një nga politikanet më të komentuara në mediat rozë në vendin tonë. Si e tillë vëmendje të madhe ka marrë edhe e bija, Kejda, e cila pavarësisht se nuk e lidh asgjë me botën e spektaklit, herë pas here bëhet pjesë e mediave rozë.
Dhe ditën e djeshme lajmi më i bujshëm në të gjitha portalet kishte të bënte pikërisht me Kejdën dhe operacionet e saj plastike të supozuara.
Ishte faqja “Vipat e bllokut” ajo që nxorri e para lajmin dhe foto të saj, duke e akuzuar për ndërhyrje estetike në buzë dhe hundë.
Mirëpo pas kësaj vajza e politikanes nuk ka qëndruar në heshtje dhe ka vendosur të përgjigjet ndaj mediave me një postim në Instagram.
“Nuk e kuptoj pse duhet të shoh emrin tim në tituj portalesh për të tilla lajme që nuk i hyjnë në xhep askujt, por në një farë mënyre e kuptoj injorancën dhe dëshirën e ca shqiptarëve palaço për të komentuar dhe nxjerr mllef për këdo. Pavarësisht se mendoj se ky popull ka halle më të mëdha se të zgjidhin a i kam fryrë unë buzët apo a e kam zvogëluar hundën…Faqes në fjalë “Vipat e bllokut” dhe portaleve që merren me të tilla lajme i them se unë nuk e konsideroj veten VIP, dhe s’kam bërë asgjë për të qenë e tillë. Nuk merrem me muzikë, televizion dhe s’jam në konkurs për t’i zënë vendin asnjërës, as për pamje, as për punë. Më vjen mirë që asnjëherë s’pranova të jem pjesë e sipërfaqësores ku ju jetoni! Tung!” – ka shkruar Kejda në postimin e saj në Instastory.
