Mbrëmjen e së shtunës në ekranin e Top Channel, u shfaq koncerti si një mini-dokumentar për karrierën e Elvana Gjatës, e cila performoi gjithashtu disa nga këngët e saj të reja.
Por këngëtarja e njohur shqiptare, Ledina Çelo mesa duket nuk e ka pëlqyer perfomancën e saj. Sipas saj, Elvana nuk ka kënduar live:
“Pse playback o yllo”, ishte statusi i saj në Instagram.
Pas këtij reagimi, ka ndërhyrë menjëherë Besa Kokëdhima, e cila nëpërmjet Instagramit, është shprehur se Elvana ka qenë live:
“Nëse nuk e vlerësojmë artin e vërtetë, artistët dhe punën e tyre të palodhshme, jemi të vdekur si komb”, shkruan Besa.
Ndërsa në statusin përmes së cilit i përgjigjet akuzave se Elvana nuk këndoi live, Besa shkruan: “Nëse kjo nuk është live, atëherë nuk e di çfarë është muzika live”.
“Herën tjetër bëj disa gabime me qëllim Elvana Gjata, sepse nëse këndon shumë mirë, diçka nuk shkon”, shkruan Besa në një seri statusesh të njëpasnjëshme.
