Mund të jetë një temë për të cilën shumë femra vihen në siklet kur flasin, por është më mirë të kërkoni ndihmë.
Djegia ose shkarkim i sekrecioneve mund të kthehen në makth, për disa femra të cilat kanë probleme me organet gjenitale.
Një gjinekolog britanik, Dr.Ahmed Ismail, tha se një vaginë e shëndetshme është ajo pa erë dhe pa simptoma.
Gratë duhet të kenë kontrolle të rregullta mjekësore, por duhet edhe të ndjekin disa këshilla që të kenë një vaginë të shëndetshme.
1)Uluni në peshqirin tuaj kur përdorni vende publike
Kur përdorni WC-të publike, shezllonët, spa-të, saunat etj, gjithmonë përdorni peshqirin tuaja personal për të shmangur prekjen nga bakteret.
2)Lani vaginën tuaj, por jo me sapun antibakterial
Vagina duhet larë me ujë normal, e të merrni kohën e duhur për ta tharë mirë. Nuk ka nevojë për të përdorur sapunë ose larës antibacterial, sepse këto ndryshojnë pehashin, pH, në vaginë.
3)Mos vishni të brendshme sintetike
Pambuku në të brendshme është gjithmonë i preferueshëm, pasi ai e mban të thatë zonën, lejon ajrosjen dhe është më pak i ekspozuar ndaj reaksioneve alergjike.
4)Pastroni lodrat e seksit
Në qoftë se ju përdorni lodra seksi gjatë seksit ose masturbimit, sigurohuni që duart tuaja dhe / ose ndonjë aparat të jenë jashtëzakonisht të pastra. Duhet t’i lani me ujë të ngrohtë dhe sapun për të hequr bakteret e mundshme apo infeksionet.
5)Jo veshje të shtrënguara
Përpiquni të shmangni veshjen e pantallonave të ngushta për orë të gjata, sepse zvogëlojnë ajrosjen e vaginës.
6)Bëni kontrolle të rregullta mjekësore edhe nëse jeni beqare
Edhe nëse jeni beqare, ju duhet të bëni kontrolle gjinekologjike për të kontrolluar nëse vagina juaj është e shëndetshme.
7)Kontrollohuni tek mjeku nëse jeni seksualisht aktive
Nëse ju jeni seksualisht aktive dhe keni sekrecione si rezultat i një marrëdhënie të re (apo të vjetër), ju duhet të kërkoni këshilla gjinekologjike për të kontrolluar nëse ju nuk jeni mbartëse të ndonjë sëmundje ngjitëse seksuale. Nëse ju jeni të infektuara, është e rëndësishme që ju dhe partneri të marrë trajtim menjëherë.
Burimi: Daily Mail
