Dizajni i thonjve është kthyer në një art! Por në një art të çuditshëm! Askush nuk do ta kishte menduar vetëm një vit më parë se qimet e ngjyrave dhe llojeve të ndryshme mund të përdoreshin për stilimin e thonjve.
Të quajtura si “thonjtë me qime” ky trend ka vetëm pak muaj që është zbuluar dhe duke se është përhapur masivisht. Pavarësisht se ende nuk e kuptojmë ku qëndron bukuria!
Ndërsa tashmë Japonia po e çon në një tjetër nivel këtë art. Gjithmonë e më shumë po diskutohet teknika 3D, një stil shumë i guximshëm, që po përhapet me shpejtësi nëpër qendrat estetike në gjithë botën.
Piktura të shumëllojshme, fytyra të stampuara, ushqime madje dhe flluska uji po vendosen në thonjtë e femrave. Një pjesë e qendrave estetike në Kaliforni kanë realizuar një sërë teknikash për thonjtë që fillimisht janë përdorur nga artisti japonez i thonjve, Tomoka Reese.
Thonjtë 3D përfshijnë një shumëllojshmëri modelesh duke filluar që nga ushqimet, lulet apo personazhe të dashur vizatimorë.
