Armina Mevlani prej vitesh tashmë është bërë një nga ndjekëset më besnike të Javës së Modës në Milano!
Në një event të tillë të gjithë do të donim të merrnim pjesë dhe mbi të gjitha në sfilatat më të rëndësishme, siç është Cavalli apo Diane von Furstenberg.
Vetëm brenda dy ditësh blogerja shqiptare ka marrë pjesë në të paktën pesë sfilata mode.
Ditën e parë përmes “Instagram”-it, Armina njoftoi për pjesëmarrjen e saj në koleksionin e “Dsquared2”, si dhe ndalimin në markën e saj të preferuar të dizajnueses Diane von Furstenberg.
Për të vijuar më pas me shfaqjen e modës së markës “Etro” ditën e djeshme:
Por ndër më të rëndësishmet ishte te “Roberto Cavalli”:
Gjithashtu Armina ka ndarë edhe një video, në të cilën i është kërkuar një intervistë:
Kujtojmë se vitin e kaluar fashionista shqiptare pa nga afër shfaqjen e “Versace”-s. Pantera e zezë tërhoqi ndër të tjera vëmendjen e Arminës me format dhe prezencën e saj. Këtë emocion blogerja shqiptare nuk ngurroi ta ndante nëpërmjet një videoje në “Instagram”.
Nga ana tjetër Aurela Hoxha pavarësisht se nëpër postime shkruan se ndodhet në Milano për Javën e Modës, nuk ka marrë ndonjë ftesë deri tani nga markat e njohura.
Fotoja e saj e vetme është ajo me një prej dizajnuesve të “Dsquared2” dhe pjesëmarrja në tapetin e kuq të “Vogue Italia”.
Burimi: Iconstyle.al
