Qeveria ka vendosur masa të rrepta për të parandaluar përhapjen e Covid-19 në Shqipëri, ndërsa Rama ka bërë të ditur se gjithkush që i thyen këto rregulla do të ndëshkohet.
Kështu, në qytetin e Durrësit është gjobitur sot një 27-vjeçar, i cili ka thyer karantinimin dhe ka dalë nga shtëpia.
I riu ishte kthyer nga Italia më datën 7 të muajit mars dhe duhet të qëndronte dy javë në izolim.
Për këtë arsye, ai është gjobitur me 700 mijë lek të reja nga policia.
Për më tepër, tre persona në Durrës kanë humbur sot patentën pasi kanë qarkulluar në qytet.
Ata nuk kishin autorizimin e nevojshëm dhe janë ndëshkuar për veprimin e tyre, duke iu pezulluar patenta për 3 vite.
