Thuhet se ajo është pritja më e madhe dhe e shëndritëse që mbreti mban çdo vit në Pallatin Buckingham. Kështu që ishte me vend që Dukesha e Kembrixhit të hiqte pluhurin nga disa prej bizhuterive më të mrekullueshme të familjes mbretërore.
Duke arritur në pritjen vjetore diplomatike të Mbretëreshës me një makinë “Bentley”, Kate mbante në kokë kurorën me diamante dhe me perla, një nga “dashuritë” e Kembrixhit, dikur në pronësi të Princeshës Diana.
Kurora është realizuar nga Mbretëresha Maria në vitin 1914, në dizajnin e saj me diamante dhe perla, që zotërohej nga familja e saj.
Kopja e kurorës ishte në pronësi të gjyshes së saj, Princesha Augusta të Hesse, e cila u martua me Dukën e parë të Kembrixhit, djalin e shtatë të Mbretit George III, në vitin 1818.
Me vullnetin e saj Mbretëresha Maria ia dhuroi kurorën Mbretëreshës që e mbante atë shpesh, duke përfshirë edhe një mbrëmje në vitin 1955.
Në vitin 1981 ajo ia dha si një peshqesh martese nënës së Prince Uilliamit, Diana, e cila e mbajti atë për herë të parë në hapjen shtetëror të Parlamentit në nëntor.
Diana e vuri gjtihashtu kurorën në vitin 1985, në një vizitë zyrtare në Uashington me Princin Çarls. “Buckingham Palace” nuk konfirmoi dje nëse, kurora i është dhuruar Kate pas vdekjes së Dianës, apo ishte vetëm për një natë.
Trending Now
Horoskopi: 26 mars 2023
