Pak minuta më parë Dua Lipa ka konfirmuar se këngëtarja tjetër që do i bashkohet festivalit “Sunny Hill” është artistja njohur Miley Cyrus.
Mjaft e emocionuar për këtë Dua tregon se Miley do të këndojë në datën 2 gusht dhe ajo është duke u përgatitur për ditën e madhe.
“Unë do të shkoj në Kosovë me Mbretëreshën e Kosovës”,- thotë Miley në videon e publikuar nga Dua.
Miley Cyrus njihet nga të gjithë për performancat e saj të veçanta dhe mjaft elektrizuese.
Këngëtarja është prej vitesh pjesë e skenave me koncertet e saj dhe i fundit ka qenë ai në Glastonbury.
Këngëtarja u përfol shumë për këtë performancë dhe ne jemi duke pritur për surprizat që ka rezervuar për Kosovën.
