Këngëtarja shqiptare, Dua Lipa thuhet se është në vend të parë në listën e këngëtarëve pretendentë për të regjistruar këngën e ardhshme të filmit të James Bond.
Kënga është tashmë një traditë që ndiqet që prej fillesave të filmit në vitin 1962. Ylli shqiptar i muzikës pop ka korrur shumë suksese që pas publikimit të këngës “New Rules”.
Tashmë ajo është në garë me Ed Sheeran dhe Jessie J në listën e emrave të mundshëm për të regjistruar kolonën zanore të filmit të 25-të të Bond, i cili është planifikuar të dalë këtë nëntor.
Sam Smith ishte këngëtari i fundit që u përzgjodh për të regjistruar kolonën zanore kur ai shkroi “‘Writing’s On The Wall” për filmin “Spectre” të 2015-s dhe madje fitoi një “Oscar” dhe “Globin e Artë” për të.
Nëse këto thashetheme janë të vërteta atëherë Dua do të bashkohet me divat Madonna, Adele, Tina Turner dhe Shirley Bassey – që renditen në listën e autoreve të hiteve të James Bond.
