Këngëtarja me orgjinë nga Kosova, Dua Lipa, do të japë një koncert në kryeqytetin e Shqipërisë.
Lajmin e ka bërë të ditur sot, kryetari i Bashkisë së Tiranës, Erion Veliaj, i cili ka shpërndarë posterin e koncertit që ajo do të mbajë në 10 gusht në sheshin “Nënë Tereza”.
Përmes statusit të tij, Veliaj i fton të gjithë të jenë të pranishëm, për të shijuar nga afër interpretimin e këngëtares me famë botërore.
“Sa bukur! Do mbyllim vitin tonë të parë në Bashki me Dua Lipa në Tiranë. Shihemi të gjithë në 10 Gusht tek Sheshi Nënë Tereza në një koncert të hapur falas për të gjithë!”, ka shkruar kryebashkiaku Erion Veliaj.
