Ermal Mamaqi dhe Amarda Toska kanë vendosur të lënë pas të gjitha angazhimet profesionale ditën e sotme, për të shijuar vaktin e drekës në praninë e njëri-tjetrit.
Pasi përfundoi palestrën intensive nën kujdesin e bodybuilder-es Holta Pilz, Ermali mezi priti të shoqen për 15 minuta i ulur vetëm në restorant dhe sapo Ami mbërriti në derë, ishte shumë entuziast. Ami shfaqej tejet elegante e veshur me një fustan me mëngë të gjata në ngjyrë gri, ndërkohë që flokët kishte zgjedhur t’i kapte bisht.
Dhe duket se çifti është në regjim të rreptë ushqimor, pasi menuja e drekës për ta përfshinte vetëm ujë dhe sallatë!
Mesa duket, Ami ka dëshirë të heqë kilogramet e tepërta pas lindjes, ndërkohë që Ermali ka zgjedhur të shfaqet sa më në formë këtë sezon. Ndryshe nga vitet e kaluara, Ermali po i kushton shumë vëmendje paraqitjes gjatë emisionit “Xing” dhe në çdo javë shfaqet duke ndjekur trendet më të fundit të modës.
