Drejtori i Urgjencës Kombëtare, Skënder Brataj, ka rezultuar pozitiv në testin për virusin vdekjeprurës Covid-19.
Lajmin e ka bërë të ditur Ministrja e Shëndetësisë, Ogerta Manastirliu.
Ajo tregon se gjendja e tij është e stabilizuar dhe Brataj është karantinuar në shtëpinë e tij.
“Dr. Skënder Brataj është konfirmuar pozitiv ditën e sotme pas kryerjes së analizës per Covid19. Deri tani gjendja e tij paraqitet e stabilizuar dhe Dr. Brataj ndodhet në vetëizolim, në shtëpinë e tij.
Uroj me shpirt ta kalojë sa më lehtë këtë situatë dhe t’i bashkohet sa më shpejt, i shëruar plotësisht, ekipit tonë që po lufton çdo ditë me këtë armik!
#BashkëDeriNëFund“- shkruan ministrja në postimin e saj.
Brataj është pjesë e task forcës pranë Ministrisë së Shëndetësisë për Koronavirusin dhe ai ka qenë në ballë të luftës me epideminë.
