Drejtori i Qendrës Kombëtare të Shëndetit në Britani ka bërë një deklaratë të frikshme.
Stephen Powis ka thënë se në rastin më të mirë Britania e Madhe do të ketë 20 mijë jetë të humbura pasi situata duket e vështirë.
Në deklaratën e tij ai u pyet nëse Britania e Madhe do të bëhet si Italia dhe ai tha se nëse në vend do të ndërrojnë jetë më pak se 20 000 persona, atëherë ai ia ka dalë.
“Më pak se 20 mijë viktima do të ishte një rezultat i mirë, edhe pse çdo jetë e humbur është një tragjedi”, u shpreh ai.
Në Britaninë e Madhe numri i viktimave rritet nga dita në ditë.
Deri më tani kanë ndërruar jetë 1019 persona dhe të infektuar në total janë 17 089, 163 prej tyre janë në gjendje kritike për jetën.
Kujtojmë se në Britaninë e Madhe koronavirusi nuk ka kursyer as familjen mbretërore.
Princi Charles dhe bashkëshortja e tij janë të infektuar dhe prej ditësh po qëndrojnë të izoluar.
