Drake është sëmurë dhe ai anuloi dy shfaqjet e tij në Miami për këtë arsye. Reperi shkroi një mesazh në “Instagram” dhe i kërkoi falje fansave të tij.
“Dua të them se më vjen shumë keq për këto dy shfaqjet në Miami. U sëmura kaq shpejt dhe nuk kam përjetuar asnjëherë asgjë të tillë në jetën time. Ndryshe nga anulimet e tjera apo rregullimet e datave, këtë e kam ndjerë dhe dua të kërkoj falje, sepse e urrej që të zhgënjej çdokënd që vjen për të ndarë këto momente me ne. Faleminderit dy mjekëve dhe infermiereve që po kujdesen për mua gjatë gjithë kohës. Miami meriton të jap 100% dhe e premtoj këtë eksperiencë kur të rikthehem. Faleminderit Zot që më lejove të shërohem”, shkroi Drake në “Instagram”.
Reperi nuk thotë saktësisht se çfarë problemi ka, por nga ajo që shkruan duket se është diçka serioze.
Burimi: Cosmopolitan
