Me vështirësitë ekonomike dhe me shpresën për një jetë më të mirë shumë të rinj shqiptarë po i drejtohen vendeve evropiane. Për të nisur apo vazhduar shkollën ose për të punuar rastet janë nga më të ndryshmet. Por nëse po mendoni të largoheni nga vendi, a e dinë se kjo zgjedhje do të thotë një ndryshim radikal të jetës. A jeni i sigurt? S’do pendoheni?
Para së gjithash, pyeteni veten pse dëshironi të shkoni jashtë vendit për të punuar? Sepse në këtë mënyrë planifikoni kohën dhe buxhetin për të shqyrtuar zgjidhjet më të përshtatshme, duke punuar dhe studiuar jashtë vendit në të njëjtën kohë, me qëllim që të përfitoni edhe aftësi kulturore dhe gjuhësore gjithnjë e më të kualifikuara. Por gjithashtu nëse doni të largoheni nga vendi juaj, duhet të dini se cilat janë ofertat e tregut.
Hapi i parë
Ju duhet të hidhni poshtë një mit. Kriza për fat të keq ka implikime globale dhe në vende të tjera nuk është se gjendja është shumë më e mirë. Ka ishuj të lumturisë, si Gjermania apo Shtetet e Bashkuara, por ana tjetër e kësaj medalje është se duke qenë se këto vende janë të lakmuara nga shumë njerëz, konkurrenca është e ashpër dhe e fortë. Ndaj para se të niseni duhet të bëni kërkime të sakta.
Vendimi se ku do të punoni jashtë vendit është pikë kritike, sepse duhet të dini edhe sfondin kulturor që mund të jetë mbështetës në këtë drejtim. Cilat gjuhë nuk e dini? Sa mirë e dini një gjuhë? A ofron ajo punë mundësi për t’u rritur shpejt në profesion?
Për të marrë ndihmë dhe asistencë, ju mund të kontaktoni një nga agjencitë e shumta që merren me punësimet jashtë vendit.
Gjuha angleze është primare thuajse kudo, ajo e përvetësuar rrjedhshëm, jo ajo e mësuar në shkollë.
Hapi i dytë
Çfarë dokumentesh janë të nevojshme? Në qoftë se bëhet fjalë për një vend të Bashkimit Evropian, ju duhet vetëm pasaporta (për vendet në Shengen) ose karta e identitetit për vendet anëtare. Por mos harroni edhe kontratën e punës apo vërtetimin për nisjen e studimeve. Nëse dëshironi të jetoni në një kontinent tjetër, ju nevojitet një pasaportë ose edhe një vizë që ju lejon të jeni në gjendje për të punuar. Shpesh kjo kërkon edhe mbulim shëndetësor, edhe pse minimal. Së bashku me to duhet një dëshmi penaliteti, e lëshuar, jo më herët se 6 muaj para se të dilni jashtë shtetit, një diplomë dhe disa certifikata shëndetësore.
Hapi i tretë
Plani dhe intervista. Nëse ende nuk e keni gjetur punën para se të niseni, duhet të lëvizni. Përgatitni një CV të ngjeshur dhe gjithëpërfshirëse, format evropian, ku të ketë prezantimet më esenciale dhe listat e punëve të mëparshme dhe kualifikimet. Dhe gjatë intervistave duhet të jeni të fortë, të vendosur, të sigurt për veten dhe të motivuara për të arritur qëllimin tuaj.
Burimi: Elle
