Donald Trump është akuzuar publikisht nga tri gra se i ka ngacmuar seksualisht. Ato kanë dalë në një konferencë për shtyp në New York dhe kanë kërkuar hetim të menjëhershëm për këtë çështje.
Jessica Leeds, Samantha Holvey dhe Rachel Crooks thanë se Trump i ka prekur pa leje, i ka puthur me zor dhe i ka poshtëruar e ngacmuar përsëri edhe pas këtyre veprimeve. Ato e kanë akuzuar ish-biznesmenin edhe para zgjedhjeve presidenciale, por duke u nisur edhe nga skandalet e Harvey Weinstein dhe gjithë figurave të njohura të Hollywood-it, kërkuan hetim të detajuar të kësaj çështjeje.
Shtëpia e Bardhë ka reaguar pas këtyre deklaratave dhe ka hedhur poshtë çdo akuzë. Sipas tyre, këto akuza janë përgënjeshtruar që gjatë fushatës dhe prova më e mirë është besimi që amerikanët i dhanë Trump-it.
Burimi: CNN
