Ish-ministrit të Brendshëm, Saimir Tahiri, nga sot i ndalohet që të dalë jashtë shtetit. Ky ishte vendimi i Gjykatsë së Krimeve të Rënda, e cila vendosi masën e sigurisë “ndalim i daljes jashtë shtetit”.
Në fakt, kjo kërkesë ishte bërë më herët nga Prokuroria e Krimeve të Rënda, e cila është pranuar nga organi i gjykimit.
Kjo masë sigurie u dha në kuadër të hetimit për ish-Ministrin e Brendshëm Tahiri për çështjen “Habilaj”, pas përfshirjes së emrit të tij në përgjimet e publikuara nga Prokuroria e Katanias.
Më herët, ish-ministri udhëtoi drejt Gjermanisë për arsye personale, ku qëndroi atje për 3 ditë. Largimi i tij solli reagime të shumta, ndërkohë që opozita e cilësoi këtë si arratisje.
Tahirit përveç mandatit, i është hequr e drejta nga të gjitha funksionet politike në Partinë Socialiste.
