Donald Trump u dorëzua të enjten (24 gusht) në mbrëmje tek autoritetet e Xhorxhias për t’u përballur me akuzat për përpjekjet për përmbysjen e zgjedhjeve të vitit 2020 në këte shtet.
Një proces që zgjati vetëm 20 minuta dhe që përfshiu një element historik: fotografimin për herë të parë nga policia të një ish-presidenti amerikan si i dyshuar.
Ish-presidenti amerikan, Donald Trump, reagoi për herë të parë pas publikimit të fotos së tij në ndalim policor, duke u shprehur se nuk u ndje rehat, për shkak se nuk ka bërë asgjë të gabuar.
Dorëzimi i ish-presidentit Trump tek autoritetet e zbatimit të ligjit është bërë tashmë një pamje e zakonshme.
Është hera e katërt që ndaj tij ngrihet një aktpadi, diçka e pashembullt për një ish-president.
Ish-presidenti u la i lirë kundrejt një garancie prej 200,000 dollarësh.
