Kryeministri Edi Rama ka dënuar sot rastin e një djali që theu karantinën për të infektuar më pas prindërit e tij.
Përmes një postimi në Instagram, kryeministri tha se djali, nga Tirana u shkoi në shtëpi prindërve në një zonë tjetër, dhe u transmetoi bombat në trup.
Mediat shkruajnë se bëhet fjalë për një punonjës të burgut 313 në Tiranë i cili duhet të qëndronte në karantinë, po ai ka shkuar tek prindërit në Mirditë, duke i infektuar me koronavirus.
Kreu i qeverisë shtoi se personi do të dënohet me gjobë dhe jo vetëm, pasi për të parashikohet edhe një dënim penal.
? NJË LAJM I KEQ NGA TESTIMET E DJESHME, QË DUHET TË VLEJË SI MËSIM PËR TË GJITHË??
Djali me Covid19, pa simptoma, thyen rregullin e del nga Tirana drejt një zone tjetër të vendit, ku jetojnë dy prindërit e tij të moshuar. U shkon prindërve në shtëpi dhe u transmeton bombat në trup! Prindërit dalin të dy pozitivë dhe jo vetëm mosha, po edhe shëndeti i tyre problematik, i kthen në pacientë me jetën në rrezik!!!
Natyrisht që për djalin do të nisin hetimet dhe ai mund të ndëshkohet jo vetëm administrativisht, po edhe penalisht, por si mund t’u bëhet një “peshqesh” i tillë njerëzve më të dashur në botë?!
A e kuptoni se kjo nuk është lojë?! A e kuptoni se në këtë luftë, kush shkel rregullat nuk ia hedh shtetit, po ia fut vetes dhe familjes së tij?! A e kuptoni se ne jemi potencialisht armiku vrastar i prindërve tanë, nëse nuk respektojmë rregullat, duke u sjellë si karagjozë të papërgjegjshëm me veten, me prindërit, me familjen e me shoqërinë?!
Lus Zotin që ata dy pleq të mos ikin nga kjo botë e të mos mbeten pishmani i jetës së atij djali të papërgjegjshëm dhe ju lutem të gjithëve: M?S! M?S! M?S!
? STOP ME HILET E ME KARAGJOZLLËQET, SEPSE MUND TË BËHENI MOSOZOT, VRASËS TË NJERËZVE TUAJ MË TË SHTRENJTË?
