Jepini fustaneve tuaja disa ditë pushim dhe filloni t’i merrni në konsideratë këto streçe. Fshijeni nga mendja idenë se ato na hyjnë në punë vetëm kur stërvitemi apo kur i japim bicikletës.
Streçet janë trendi i kohës dhe ka pafund mënyra interesante për t’i kombinuar. Të jeni të sigurtë se nuk do dukeni aspak sikur keni harruar bicikletën në shtëpi…
Ja disa sugjerime që mund t’i provoni edhe ju në përditshmërinë tuaj apo për raste festash:
Mënyra më e thjeshtë
Ideja e parë sesi t’i kombinoni është përmes një kanotiereje të ngushtë pas trupit, një xhaketë me viza me masë të madhe. Në fund streçet e shkurtra.
Për një pamje më klasike
Zgjidhni një ngjyrë rozë të lehtë, pantallona më të gjera dhe një xhaketë të gjatë. Nuk është e nevojshme të vishni ndonjë bluzë poshtë xhaketës. Për këpucë mund të përdorni gjysmë çizmet.
Për ditën e tokës
Janë të përshtatshme ngjyra e bizeles, bezha ose kafe. Mjaftojnë një palë streçe, një xhaketë (jo e gjatë kësaj radhe) dhe një bluze me të njëjtën ngjyrë poshtë saj. Një çantë brezi do ishte gjithashtu një ide e mirë.
Në ditët e javës
Streçet e çiklistëve mund të shkojnë me çdo gjë dhe nuk bëjmë aspak shaka. Gjeni masën e përshtatshme, kombinojini me një pulovër treçerekshe dhe me një çantë brezi të zezë.
Për një pamje pranverore
Moti i ngrohtë kërkon një look sa më të freskët. Zgjidhni ngjyrat pastel dhe mëndafshin si material.
Si një çikliste e vërtetë
Një palë streçe dy ngjyrëshe, një bluzë sportive me rrjeta, një triko me zinxhir sipër dhe do të jeni super rehat teksa ngisni bicikletën.
Burimi: marieclaire.com
